نتي الطريق و أنا البطريق، زجل بالدارجة

بواسطة

 الزهرة كبرات فالحديقة

و العطر ديالها فاق…

بحالك نتي،

ماشي بحال الناس،

نتي كتبتي فقلبي سطر جديد،

وخلّيتيني نآمن أن الحب باقي ممكن…

فـ 2025

راه ماشي من طبعـي نْهضر بالحب

وماشي من الناس اللي يعطيو القلب

كنت ساكت، ساكن فصمتي

حتى بنتي، قلتي ليا: "عيش بحقيقتي"

نتي ماشي زهره، نتي فصل كامل

كلامك دافي، ونْظْرتك فيها شمول

و ماشي معقول

 نْطيح فالهوى هكّا بلا دليل بلا مدلول

لكن نتي… فيك نعوم كنهدر بصح ماشي LOL

نتي الصباح اللي جا بكري

فيقني و نساني ف أيّام عشتها عَكري

نتي الهُدُوء وسط الزّحام

نتي الدّوا لقلبي المرهق والسلام

راه ماشي من عادتي نْزْعَم

ولكن نتي، تستاهلي عليك نغامر

هانتي، متسولينيش علاش

حيت الحب بصراحة… خشب ومسامر

أنا اللي كنت نعيش فالرّوتين

اليوم بيك شفتني زين

ضحكتك صافية، كلامك موزون

تفكيرك واسع، كاملك فنون

ماشي لعبة، ماشي كلام صغار

أنا اللي خفت، واليوم باغي نختار

نبني معاك، خطوة بخطوة

دار فيها الحب و السعادة و الحلوة

نتي الصباح اللي جا بكري

فيقني و نساني ف أيّام عشتها عَكري

نتي الهُدُوء وسط الزّحام

نتي الدّوا لقلبي المرهق نتي السلام

راه ماشي من عادتي نْزْعَم

ولكن نتي، تستاهلي عليك نغامر

بغيت نمشي فيك كل الطريق

نتمشا نشطح بحال شي بطريق

ك.ج

منذ سنوات طويلة و أنا أكتب هذه النصوص و التدوينات الأدبية و لا أدري متى سأتوقف... لا أعتقد أن هذه التجربة ستتوقف يوما... لأنني صرت أؤمن أن ما أفعله يتعدى رغبة ما بداخلي... إنه مشروع لم أجد له إسما سوى: كارل جبران

أكثر التدوينات قراءة

ضوي يا حكيم

بواسطة
صورة
  نهاري معمِّي بجوان و غرام بلا سلام   نقول نفيق، نغرق أكثر، تيزيد الظلام   ليلي مسكون ببيرة، وسط كراطونات مهجورة   كل فكرة كتسافر، كل دقيقة مغبورة   عييت نخمم فالعمر، كيدوز كيف الصهد   يمسّ الجلد ويمشي، بحال موج البحر فالهَــدّ   نشوف النجمة، كنْهزّ راسي   بالضو عرفتها، ومشيت فوق البرّ بنفسي   ماشي شاعر غير بكلمات،   أنا غارق فالصمت، وحروفي حجارة وموجات   كنْهضر مع خيالي، كنْهضر مع الله   كنْشوف وجهي فالليل، كنْسمع نبضي فصلاه أنا شبيه الضو، شبيه السر   عايش فالعتمة ونْقلب فالقمر   أنا صوت اللي بكى، وما بْغاش ينكسر   أنا اللي سميتو كارل، وحلمي ما تيحتضر خلّيني نزيد نْثر، نفكّر، نمشي بعيد   نكتب فوق جدران الروح، بلا ما نطلب تأييد   أنا كيف القصيد، كل بيت فيه نار   كل معنى فيه سر، كل نقطة فيها قرار   شكون قال الضياع عيب؟ راه بوابة لليقين   وشكون قال الليل خوف؟ راه بداية النور الدفين   أنا ماشي مسكين، أنا مسكون   بفكرة كبيرة، بحلم مجنون...
أكمل القراءة

ثقيل بالكلمات

بواسطة
صورة
سطر جديد فوق الورقة كيجري، ثقيل بالكلمات، كيقلب على محطة المعاني ... Driven by my pen and pain كتبت بزاف على كولشي، وباقي كيبالي هاد الشي قليل .   تالف فمكتبة الوجود، كنقلب على كتاب فيه شوية دليقين . صحابي تيشوفوني   philosopher تيقولو لي: "راك ناضي، تمشي بعيد ." وأنا بين خطوة وخطوة، كنشوف فلسفتي كاملها بحال شي بونجة، فوقها الحديد . عشت الحب كثر من مرة، وقلبي فاضي، بحال أول مرة . كنشوف الفرص قدامي، وكنتلاح، كي حوتة هاربة من الشبكة، تحت الماء كتزعنف .   ناري على بلان، طلّقت لساني، وعباراتي كتفروح . آخر ميساج هو : والله ماعرفت. ك.ج
أكمل القراءة

زجل بالدارجة: بوحدي و كنحلم

بواسطة
صورة
آه... شحال من ليلة، شحال من هم   كنقلب فقلبي، كنقلب فدم ... من الأحسن نبقى بوحدي، نكوي قلبي بلا ما نكوي شي حد   نتجرّع المر، ولكن نكون واقف وماشي عبد   شحال من مرة سولت راسي: شكون أنا؟   كندور فبلاصتي، وقلبي ما لاقي لا أنا لا معنا   كنبني فالنفس، يوم ورا يوم   كنجمع الشتا، ندير منها نجوم   ماشي نبقى نستنى فشي حد يجي يدويني   نبغي نداوي راسي، وحتى وجعي يفهمني ويخليني   بوحدي... كنعيش وكنفكر   كنحاول نكون، ماشي غير نتكسر   وإلى جا النهار، اللي نفرح فيه براسي   ديك الساعة، غاتبان شمس فحياتي   وإلى جاب القدر شي وحدة بقلب نقي     تكون معايا وانا معاها نبني   ما تجيش تعلّق فالأحلام، تجي تكون سند   ماشي حب خايب، حب فيه المعنى beyond من جد وجد.. نبغي نكون راجل، نوقف على ذاتي   ونعطيها حب، ماشي نعطيها حياتي   إلى جات، مرحبا، ماشي باش تكملني   تكون ضو فطريقي، ماشي تمحي ليلتي   بوحدي... كنعيش وكنفكر   كنحاول نكون، ماشي غير نتكسر   وإلى ...
أكمل القراءة

رسائل: ملهاة الإنسانية

بواسطة
صورة
الإنسانية كوميديا أو ملهاة لا تنتهي، لا تنتهي أبدا... يولد الإنسان الصغير ضاحكا لدرجة أنه يصرخ بكاءا، و عائلته تبكي نادمة على قدومه لعالم تهيمن عليه السخرية، لدرجة أنها تضحك فرحة مقيمة حفل عقيقة !  *** الإنسانية سيرورة إنتاج الأغبياء، الذين لا يفهمون أنفسهم، لا يفهمونها أبدا، يظنون أنهم بشر، و ما هم إلا ( و من يدري؟)... لا يعرفون كيف يتحكمون في ذكائهم مجهول المصدر! أنا أيضا لا أعرف كيف أتحكم في ذكائي و أنا أسخر منا: نحن الكائنات الغبية الجميلة . *** الإنسانية مشروع فاشل يبدو في ظاهره مشرو عا مقدسا عظيما بدأته الآلهة في سموات،أهي موجودة؟    *** أريد أن أثبت لنفسي أنني ذات تعرف الحقيقة، حقيقة الأشياء التي لا يمكنني أصلا أن أعرف عنها شيئا ، لكنني مجنون كبير، بل أكبر مجنون، أقضي حياتي و أنا أتقدم في العمر، أعرف أنني سأموت يوما ما، و أعرف أنني إنسان، عندي عين و رأس و يدان و عقل مليئ بالهراء ! *** سئمت من السخرية عني و عنا جميعا، يجب أن أقول شيئا مهما الآن : " الإنسانية كوميديا لا تنتهي، لا تنتهي أبدا، يموت الإنسان في آخر المطاف، دون أن يتذكر حتى اسمه !" ك....
أكمل القراءة