أكاديمية ك.ج

سطر جديد فوق الورقة كيجري، ثقيل بالكلمات، كيقلب على محطة المعاني ... Driven by my pen and pain كتبت بزاف على كولشي، وباقي كيبالي هاد الشي قليل .   تالف فمكتبة الوجود، كنقلب على كتاب فيه شوية دليقين . صحابي تيشوفوني   philosopher تيقولو لي: "راك ناضي، تمشي بعيد ." وأنا بين خطوة وخطوة، كنشوف فلسفتي كاملها بحال شي بونجة، فوقها الحديد . عشت الحب كثر من مرة، وقلبي فاضي، بحال أول مرة . كنشوف الفرص قدامي، وكنتلاح، كي حوتة هاربة من الشبكة، تحت الماء كتزعنف .   ناري على بلان، طلّقت لساني، وعباراتي كتفروح . آخر ميساج هو : والله ماعرفت. ك.ج

آه... شحال من ليلة، شحال من هم   كنقلب فقلبي، كنقلب فدم ... من الأحسن نبقى بوحدي، نكوي قلبي بلا ما نكوي شي حد   نتجرّع المر، ولكن نكون واقف وماشي عبد   شحال من مرة سولت راسي: شكون أنا؟   كندور فبلاصتي، وقلبي ما لاقي لا أنا لا معنا   كنبني فالنفس، يوم ورا يوم   كنجمع الشتا، ندير منها نجوم   ماشي نبقى نستنى فشي حد يجي يدويني   نبغي نداوي راسي، وحتى وجعي يفهمني ويخليني   بوحدي... كنعيش وكنفكر   كنحاول نكون، ماشي غير نتكسر   وإلى جا النهار، اللي نفرح فيه براسي   ديك الساعة، غاتبان شمس فحياتي   وإلى جاب القدر شي وحدة بقلب نقي     تكون معايا وانا معاها نبني   ما تجيش تعلّق فالأحلام، تجي تكون سند   ماشي حب خايب، حب فيه المعنى beyond من جد وجد.. نبغي نكون راجل، نوقف على ذاتي   ونعطيها حب، ماشي نعطيها حياتي   إلى جات، مرحبا، ماشي باش تكملني   تكون ضو فطريقي، ماشي تمحي ليلتي   بوحدي... كنعيش وكنفكر   كنحاول نكون، ماشي غير نتكسر   وإلى ...

الطائرُ... كان يغنّي في صدري، صغيرًا ... أزرقًا ... يطرقُ زجاجَ الروحِ بخفّة . لكنّه الآنَ ينقرُ جمجمتي، بمنقارٍ من لهب . لقد تحوّل . صار ظلًّا جائعًا، يرتدي جناحيْ ملاك . انتزع من الحقيقة كلَّ أوهامي، جرّدني من الندى، وجعل الحلمَ خوفًا يُحلّق . العصفورُ ليس جميلاً . لا يحمل بشرى، ولا يفتح نافذةً للضوء . إنه صوتٌ مكسور في عتمةِ القصيدة . والآن … الآن صار الألمُ بركانًا، ينفجر بصمت، يكتبُ وصايا الموتى على جدرانِ النَفَس . تعالوا ... اقتربوا ... انظروا هذا الهيكلَ المجنّح، أليس لطيفًا؟ أليس مدهشًا؟ لكنه يبتلعُكم قبل أن تنطقوا باسمِ الله...باسم الله...باسم الله... ك.ج  

  نهاري معمِّي بجوان و غرام بلا سلام   نقول نفيق، نغرق أكثر، تيزيد الظلام   ليلي مسكون ببيرة، وسط كراطونات مهجورة   كل فكرة كتسافر، كل دقيقة مغبورة   عييت نخمم فالعمر، كيدوز كيف الصهد   يمسّ الجلد ويمشي، بحال موج البحر فالهَــدّ   نشوف النجمة، كنْهزّ راسي   بالضو عرفتها، ومشيت فوق البرّ بنفسي   ماشي شاعر غير بكلمات،   أنا غارق فالصمت، وحروفي حجارة وموجات   كنْهضر مع خيالي، كنْهضر مع الله   كنْشوف وجهي فالليل، كنْسمع نبضي فصلاه أنا شبيه الضو، شبيه السر   عايش فالعتمة ونْقلب فالقمر   أنا صوت اللي بكى، وما بْغاش ينكسر   أنا اللي سميتو كارل، وحلمي ما تيحتضر خلّيني نزيد نْثر، نفكّر، نمشي بعيد   نكتب فوق جدران الروح، بلا ما نطلب تأييد   أنا كيف القصيد، كل بيت فيه نار   كل معنى فيه سر، كل نقطة فيها قرار   شكون قال الضياع عيب؟ راه بوابة لليقين   وشكون قال الليل خوف؟ راه بداية النور الدفين   أنا ماشي مسكين، أنا مسكون   بفكرة كبيرة، بحلم مجنون...